"கமர்" என்ற சொல் முதல் பிறைக்கு சொல்லப்படுமா....? அல்லது மூன்றாவது இரவுக்கு பிறகு தோன்றும் சந்திரனுக்கு கூறப்படுமா...? ஹஸ்ரத் மசீஹ் மஊத் (அலை) அவர்கள் மீது வைக்கும் ஆட்சேபனைக்கு பதில்

கமர் என்ற சொல் மூன்று நாட்களுக்கு பிறகு உள்ள பிறைக்குத்தான் சொல்லப்படும். இது அன்று முதல் இன்று வரை அனைத்து அரபுகளும் ஒன்று பட்டுக் கூறும் கருத்தாகும். இதற்கு மாற்றமாக அரபு மொழி அறிஞர் யாரும் சொன்னதில்லை. மொழி அறியாத மடையன் தான் இதற்க்கு மாற்றமாக சொல்வான் என்று மிர்ஸா குலாம் நூருல் ஹக் இல் எழுதியுள்ளான். ஆனால் கமர் என்ற வார்த்தையை அல்லாஹ் முதல் பிறைக்கும் பயன்படுத்தியுள்ளானே என்று ஏராளமான சான்றுகளுடன் கேள்வி கேட்டோம். அல்லாஹ்வையே விமர்சனம் செய்பவனும் இல்லாததை இட்டுக் கட்டும் மடையனும் எப்படி நபியாக இருக்க முடியும் என்று கேட்ட போதும் அவர்களிடம் பதில் இல்லை என்ற ஆட்சேபனையை எதிரிகள் வைக்கிறார்கள் குறிப்பாக த த ஜ தலை பி.ஜெ சகோ வைக்கிறார். கோவை விவாதத்தில் சகோ பி.ஜெ எழுப்பிய பல கேள்விகளில் இதுவும் ஒரு கேள்வி ஆகும். இதற்கான பதிலை நாம் கீழே காண்போம்.

மூன்று இரவுகளுக்கு மேற்பட்ட இரவில் தோன்றும் சந்திரனுக்குத்தான் 'கமர்' என்று அரபியில் கூறப்படும். மூன்று நாள் வரை அதனை 'ஹிலால்' என்பார்களே தவிர 'கமர்' என்று கூறமாட்டார்கள். சிலருடைய கருத்தின்படி ஏழு நாள் வரை உள்ள சந்திரனுக்கு 'ஹிலால்' என்றே அழைக்கப்படும். 'லிசானுல் அரப்' எனும் பிரசித்திப் பெற்ற அரபிமொழி அகராதியில் 'கமர்' என்ற சொல்லின், சொல் விளக்கத்தில் கூறப்பட்டுள்ளதாவது: 'ஹுவ பஅத ஸலாசி லயாலின் இலா ஆகிரிஷ் ஷஹ்ர்" அதாவது முதல் மூன்று இரவில் தோன்றும் சந்திரனை கமர் என அழைக்கமுடியாது, மூன்றாவது இரவுக்கு பின்னுள்ள இரவிலிருந்து மாதத்தின் கடைசியில் தோன்றும் சந்திரனுக்கே கமர் என்று கூறப்படும். (நான்காவது இரவிலிருந்து கடைசி வரையுள்ள சந்திரனே கமர் என்றழைக்கப்படும் என்று இதன் மூலம் விளங்குகிறது.

முதலிரவில் தோன்றும் சந்திரன் 'கமர்' ஆக இல்லாதிருக்கும்போது 'கமர்' என்ற சொல்லின் பெயருக்கான காரணம் அதில் இல்லாதிருக்கும் போது (கமர் என்ற சொல்லின் பொருள் மிகுந்த ஒளிமிக்கது என்பதாகும்.) கமருக்கு முதலிரவில் கிரகணம் ஏற்படும் என்று கூறுவது எங்கனம் சரியாகும்....!?
அவ்வாறு கூறுவது எப்படிப்பட்டதென்றால், ஒரு இளம் பெண் முதலிரவிலேயே கற்பமாகிவிட்டால் என்று ஒருவர் கூறியதை செவியுற்ற ஒரு மௌலவி, முதலிரவில் கர்ப்பமானால் என்பதன் பொருள் அப்பெண் பிறந்த அதே இரவில் கர்ப்பமானால் என்பதுதான் என்று பிடிவாதமாகக் கூறினால் அது சரியான பொருளாகுமா? எவராவது அந்த மௌலவியிடம், பிறந்த முதலிரவில் அவள் பெண் என்றே அழைக்கப்படமாட்டாளே, மாறாக அவளை 'சபிய்யா' அதாவது  குழந்தை என்றே குறிப்பிடுவார்கள். அவ்வாறிருக்க அவள் கருவுற்றதாகக் கூறுவது எவ்வளவு பேதைமை?" என்று கூறமாட்டாரா என்ன? மேலும் இங்கு முதல் இரவு என்பதன் பொருள் திருமணம் முடிந்தபின் முதன்முறையாக ஒரு பெண் தன் கணவனிடத்தில் செல்லக்கூடிய இரவுதான் என்பதை அறிவுடையோர் நன்கறிவார்கள்.

இன்னும் சொல்லப்போனால், ரமளானில் முதல் பிறை பார்ப்பதற்காக ஏற்படுத்தப்பட்ட கமிட்டியை 'ஹிலால் கமிட்டி' என்றே பெயர் வைத்திருப்பதை நாம் கேள்விபட்டிருக்கிறோம். ஆனால் 'கமர் கமிட்டி' என்று பெயர் வைத்ததாக நாம் எங்கும் பார்க்க முடியாது.

ஆக கமர் என்றால் மூன்றாம் இரவுக்கு பிறகு தோன்றக்கூடிய சந்திரனுக்கே கூறப்படுமே அல்லாமால் முதல் இரவில் தோன்றும் சந்திரனுக்கு கூறப்படுவதில்லை என்பதை இதன் மூலம் அறிந்து கொள்ள முடிகிறது. ஆகவே ஹஸ்ரத் மசீஹ் மஊத் (அலை) அவர்கள் கமர் சம்பந்தாமாக கூறியே கூற்றே சரியானது என்பதை நடுநிலையோடு சிந்திப்பவர்களால் அறிந்து கொள்ள முடியும்.

சகோ பி.ஜெ மற்றும் இவ்வாறு ஆட்சேபனை செய்பவர்கள் திருக்குர்ஆன் வசனங்களை எடுத்துக் காட்டினால் அதற்கான விளக்கத்தை நாம் கொடுப்போம்.....! இன்ஷா அல்லாஹ்...!

No comments

Powered by Blogger.